Snits - Yn it ramt fan de Nationale Gedichtendag organisearret it Frysk literêr tydskrift Ensafh op 31-01-2013 yn Snits tusken 20:00 en 23:00 oere in grutte gedichtejûn, dêr’t elkenien oan meidwaan kin! Der binne trije mooglikheden: Dichters kinne twa of trije gedichten foarlêze, poëzyleafhawwers kinne har favorite gedicht foarlêze, gewoan komme te harkjen. Wêr? Café Vellinga, Korte Veemarktstraat 11 yn Snits.
Dichters en foarlêzers wurde fersocht har op te jaan by de redaksje fan Ensafh troch te mailen nei ensafhpoezij@gmail.com Skilje nei Piter Boersma (058-2501475) kin ek.
Alle dichters en foarlêzers, ryp en grien, binne wolkom. It makket net út yn hokker taal de gedichten skreaun binne, dat jildt ek foar streek- en oare minderheidstalen. De dichters en foarlêzers krije allegear 15 euro en omdat foarlêzen toarstich makket twa konsumpsjes fergees.
