FNP Súdwest-Fryslân: Boek net ticht foar fiif bibleteken
SNEEK - “It is foar gjin ynwenner te begripen dat 5 fan de totaal 7 fêste bibleteken yn Súdwest-Fryslân slute moatte”, seit riedslid Riemkje Hoogland fan FNP Súdwest-Fryslân. FNP Súdwest-Fryslân fynt dat it kolleezje fan Boargemaster en wethâlders te min oandacht hat foar de wichtige funksje fan de Biblioteken en har te folle liede lit troch de besunigings. Hoogland: “Boppedat komme de biblioteken sels ek mei in besunigingsplan dat folle mear perspektyf biedt dan rigoreus slute”.
Wa ‘t de ôfrûne wiken in bibleteek yn ús gemeente ynstapte koe daliks it belang fan sa’n foarsjenning merkbite. Jong en âld komt boeken útsykjen, sneupt, praat mei oaren lêzers, krijt help fan it personiel by it útsykjen, wennet aktiviteiten by. Minsken besjogge de tematafel, liene hjir út in goede kolleksje Fryske boeken foar bern en folwoechsenen, sykje ynformaasje op ynternet.
De FNP fynt dat it sluten fan fiif fan de sân bibleteken net yn it belang is fan de ynwenners fan Súdwest-Fryslân en dat boeken net as it suertsje by de boadskippen weistoppe wurde moatte yn in supermerk, sa as it CDA yn de Ljouwerter Krante optekenje liet. De FNP fynt dat in lytse byb yn bygelyks in skoalle nea in folsleine bibleteek ferfange kin. Sa wiene bygelyks yn de hjerstfakânsjes lytse bybs ticht omt de skoallen dat ek wiene!
Studinten fine hjir harren ynformaasje, skoallen komme mei groepen nei de bibleteek en leare hoe wichtich lêzen is. Hoe betider kontakt mei boeken, hoe better de lêsmotivaasje, hoe better de taalûntjouwing, hoe better de bern op de takomst taret binne. Koartsein. De biblioteek is in foarsjenning dy ’t foar elkenien berikber is en bliuwe moat.
Aksje nijs
Riemkje Hoogland lêst woansdei 31 oktober foar yn trije bibleteken.
