Utrikking bêste Frysktalige stik doarpskranten Súdwest-Fryslân
Boalsert - Woansdei 31 jannewaris om 16:30 oere rikt wethâlder Stella van Gent de priis út foar it bêste Frysktalige stik fan 2017 yn ’e doarps-, wyk- en stedskranten út gemeente Súdwest-Fryslân. De redaksjes koenen it ôfrûne jier stikken ynstjoere. Yn totaal binne 25 teksten ynstjoerd.
Dy binne beoardiele troch Douwe Blom (riedslid FNP Súdwest-Fryslân), Jantine Weidenaar (sjoernalist Omrop Fryslân) en Paul van Dijk (skriuwer). It is de twadde kear dat de gemeente Súdwest-Fryslân de priis útrikt. De útrikking hat plak yn it Gysbert Japicxhûs yn Boalsert. Hans Kort, bestjoerslid fan it Gysbert Japicxhûs, sil de útrikking iepenje.
Wannear: woansdei 31 jannewaris
Tiid: 16:30 oere
Plak: Gysbert Japicxhûs, Wipstraat 6 yn Boalsert
Lees ook
