NIJLAN - Op woansdeitemiddei 24 oktober, midden yn ‘e hjerstfakânsje, set Merakels de doarren fan MFC ‘De Mande’ yn Nijlân wiid iepen foar bern fan 4 oant 10 jier dy’t sljocht binne op teater, muzyk en kreatyf dwaande wêze. It bysûndere fan Merakels is dat bern de kâns krije om op ien middei trije foarstellings mei te meitsje. Elk oere wurdt der wiksele en kinne de bern op in oar plak sjen. De doarren gean iepen om 13.15 oere en de middei duorret fan 14.00 oant 17.00 oere. De yntree is 6 euro.
Ek kinne de bern in workshop Dûns en in workshop Toaniel folgje. Tidens de workshop dûns sille de bern in dûns leare om in ‘geheim’ hinne… Tige spannend !!! By de toanielworkshop meitsje en spylje de bern sels in echt toanielstik mei as titel; “SSSSST”…. Dizze workshops wurde jûn troch dosinten fan Eijer produksjes.
Mei op it programma û.o.: It muzykteaterstik fan Sake & Wytze ‘JISKEBULT’. Sy hawwe harren premjêre op Merakels. It stik giet oer twa jiskemannen, dy’t harren hielendal thúsfielle op ‘e jiskebult. Alles wat se fine, sjogge se as bysûndere dingen dy’t se goed brûke kinne. Se hawwe in protte wille: se sjonge, dûnsje, bouwe en meitsje muzyk mei dizze spullen.
Gûchelder Minze Dijksma mei it stik ‘SSSS..T GEHEIM !’. In gûchelder hat altyd in hiel soad geheimen, sa ek Minze Dijksma. Wa wit kinne jim tidens dizze foarstelling efter in pear fan syn geheimen komme… ?!
Neist de foarstellings is der ek noch fan alles te dwaan, sa as sminken, knutseljen, en mear. Der binne allegear leuke dingen te dwaan, te besjen en te belibjen !
